Deleted Photos ya image Ko Recover Kaise Kare?

Deleted Photos Ko Recover Kaise Kare?

 Doston aaj ke samay me dekha jaye toh bahut achhe quality ke market me aa rahe hai jinka camera high megapixel ka hota hai jisse hum bahut acchi photos nikal sakte hai. Aise me hum kahi bhi jate hai toh waha ki yaadein rakhne ke liye hum apne phone me photos ko lekar jarur rakhte hai.

IMPORTANT LINK..

CLICK HERE TO READ MASSAGE.

Lekin kayi baar aisa hota hai ki galti se ya fir mobile ki kisi technical problem ki wajah se hamari li gayi photos delete ho jati hai toh aise me hume bahut pareshani hoti hai kyunki usme humari bahut si yaadein aur kuch kaam ki photos bhi shamil hoti hai.

Yadi aapke sath bhi aisa ho gaya hai toh aapko pareshan hone ki jrurat nahi hai kyunki hum aapko btane wale hai ki deleted photos ko recover kaise kare. Jisse aap bahut asani se apni deleted photos ko recover kar sakte ho kuch hi minutes me.

Delete Photo Ko Recover Kaise Kare 

Deleted photos ko recover karne ke liye bahut sare tarike hai lekin hum yahan aapko do bahut hi asaan tarikon ke bare me btayenge. Pehla mobile app ki madad se photos ko recover kaise kare aur dusra tarika software ki madad se deleted photos ko recover karne ke bare me.

Yeh dono hi tareeke bahut asaan hai jisse aap bina kisi ki madad liye ya bina kisi shop par jaye khud se hi photos ko recover kar sakte ho to chaliye ek ek karke dono tareekon se photos ko recover karne ke bare me jante hai.

Delete Photo ko App se recover kaise kare

Mobile se deleted photos ko recover karne ke liye bhi bahut sare apps hai lekin yaha hum kuch khas apps ke bare me janenge jiska istemaal karna asaan hai aur jo bilkul free hai.

1. Digdeep Image Recovery App

Sabse pehle yaha se aap is app ko download kar apne mobile me install kar le uske baad niche btaye gaye steps ko follow kare: 

Digdeep App

Step 1. Is app ko download kar open kar lijiye, jese hi aap is ko open karenge toh yeh aapse media,phone,photos ki permission mangega toh aapko allow par click kar permission de deni hai.

Step 2. Iske baad app open ho jayega aur automatically scanning shuru kar dega, scanning poori hone ke baad screen par sabhi deleted images dikhayega.

Step 3. Aap jis bhi photo ko wapis lana chahte ho usko select karke niche diye restored button par click kar de jisse woh delete photo aapke mobile me save ho jayegi.

2. Restore Image (Super Easy)

Is App se bhi aap deleted photos ko wapis laa sakte ho, is app se aap purani se purani deleted photos ko bhi recover kar sakte ho, sabse pehle is app ko aap playstore se search kar install kijiye ya fir niche diye link se bhi install kar sakte ho uske baad btaye gaye steps ko follow kare.

Restore Image Install

Step 1. App ko install karne ke baad open kare.

Step 2. Uske baad teen options dikhayi jayegi aapko unme se "Search The Image You Want To Restore" par click karna hai

Step 3. Uske baad aapko date select karna hai kitne time se kitne time tak ke photo aapko chahiye, yaha par aap ek saal purane photo bhi restore kar sakte ho.

Step 4. Uske baad aapke samne albums aa jayengi unme se aapko jo photo nikalne hai unko select karke "Restore Image" par click kare, jisse aapke delete images wapis aa jayenge.

3. DiskDigger Photo Recovery

DiskDigger App bhi ek bahut badiya option hai deleted photo ko wapis lane ke liye is app ki madad se aap 70% tak deleted photos ko recover kar sakte ho sabse pehle is app ko apne mobile me install kare uske baad niche diye steps ko follow kare.

DiskDigger Download

Step 1. App ko install karne ke baad open kare, uske baad "Start Basic Photo Scan" par click kare.

Step 2. Scan hone me kuch time lagg sakta hai, poora scan hone ke baad aapke samne sab deleted photos screen par dikhayi dene lagengi.

Step 3. Ab jis bhi photo ko aap recover karna chahte ho us photo ko select kare aap chahe toh sab photos ko bhi select kar sakte ho.

Step 4. Photos ko select karne ke baad niche "Recover Images" ke option par click kare jisse select ki huyi photos aapke mobile me save ho jayenge.

Delete Photos ko Software Se Recover kaise kare

Yadi aap apne photos ko mobile app se recover nahi kar paa rahe ho ya fir aapke sabhi delete photo wapis nahi aa rahe hai toh uske baad aapke paas ek option aur hai ki aap computer software ki madad se apne sabhi photos ko recover kar sakte ho. Computer ke liye bhi bahut sare recovery software aate hai lekin hum aapko ek aise software ke bare me btayenge jo bilkul free hai.

• Recuva Software

Aap apne computer me recuva software ko install kar le yeh ek window software hai isey aap niche diye gaye link se download kar sakte ho.

Recuva software download

Step 1. Is software ko computer me install karne ke baad aapko apne mobile ko cable se computer ke sath jodna hoga.

Step 2. Iske baad recuva me jaa kar deep scan par click kare scan hone ke baad aapki sabhi deleted photos aapke samne khul jayengi.

Step 3. Jise aap select karke photos ko recover kar sakte ho.

Memory card se delete photos kaise recover kare?

Uper bataye Gaye sabhi tareekon se aap apne phone ke sath memory card se deleted photos ko recover kar sakte ho, iske liye bas aapko apne phone me memory card daal kar uper diye gaye  steps ko follow karna hoga.

Final Words

Humne is post me jana ki deleted photo ko kaise recover kare, iske alawa humne app aur software se photo recover karne ke tareeke ko step by step dekha, Hum umeed karte hai ki aap samajh gaye honge aur ab aap apne memory card aur mobile se deleted photos ko recover kar sakte ho.